Kommunen sin barnehagemynde vil rettleia om kommunalt tilskot til private barnehagar og godkjenning av barnehagar, sjå meir informasjon nedanfor.
For rettleiing kring byggesøknadar og planverk finn du informasjon og kontaktopplysningar her.

Barnehagemynde si rolle

Kommunen som barnehagemynde skal etter barnehagelova sørga for at barnehagane i Øygarden kommune blir drivne i samsvar med gjeldande lov- og regelverk. Kommunen sin barnehagemynde avgjer søknad om godkjenning og saksbehandlar søknadar om tilskot til private barnehagar. 
Kommunen sin barnehagemynde er gitt eit særskilt ansvar for å rettleia søkaren i godkjenningsprosessen for å sjå til at søknaden inneheld tilstrekkeleg informasjon. Rettleiingsansvaret gjeld likt for både kommunale og private søkarar. Rettleiing skal ivareta prinsippet om forbod mot usakleg forskjellsbehandling.

Kommunalt tilskot til private barnehagar

Dersom du har planar om å etablera privat barnehage må kommunen v/barnehagemynde avklara om barnehagen kvalifiserer for offentleg finansiering. 
For å få ei slik avklaring må du ha søkt om kommunalt tilskot til drift av privat barnehage. 
Ta kontakt med kommunen sin barnehagemynde for informasjon om søknadsprosess.

Godkjenning av barnehagar

Får du tilsegn om kommunalt tilskot, må du i tillegg søka om godkjenning av barnehagen etter barnehagelova § 14.

Søknad om godkjenning må sendast seinast to månader før barnehagen planlegg å starta opp. Kontakt kommunen sin barnehagemynde for informasjon om søknadsprosess, sjå kontaktopplysningar nedanfor.

Helseverngodkjenning av barnehagar

Ein barnehage skal også ha godkjenning etter Forskrift om helse og miljø i barnehager, skoler og skolefritidsordninger» kapittel 3, Lovdata. 

For å bli godkjent må barnehagen etablerast, byggast og drivast i samsvar med forskrifta.

Her finn du informasjon om helseverngodkjenning: Bergen kommune - Helseverngodkjenning av barnehager og skoler.

Kontaktopplysningar

Post:

Øygarden kommune
Att: barnehagemynde
Postboks 33
5331 Rong

E-post: 

barnehagemynde@oygarden.kommune.no 

eDialog – sikker epost:

eDialog - send post på ein sikker måte