Øygarden 2040 - langsiktig samfunns- og økonomiplanlegging

Planlegg investeringar 20 år fram i tid

Øygarden kommune står framfor store investeringsbehov dei komande åra. Samstundes er det avgrensa økonomisk handlingsrom. For å kunna prioritera klokt og sikra berekraftige tenester over tid, arbeider kommunen med Øygarden 2040 – eit langsiktig kunnskapsgrunnlag for framtidige investeringar.

Øygarden 2040 gir eit samla bilete av framtidige behov innan helse, omsorg, oppvekst, idrett og anna kommunal infrastruktur. Arbeidet byggjer på oppdaterte behovsanalysar som vurderer utvikling i folketal, tenestebehov, kapasitet og tilstanden på kommunen sine bygg

Kommunestyret handsama den reviderte utgåva av Øygarden 2040 i juni 2026. Dokumentet gir ikkje endelege vedtak om kva investeringar som skal gjennomførast, men skildrar behov og utfordringar kommunen må ta stilling til i åra framover.

Lenke til politisk sak om Øygarden 2040

Frå behov til investeringsplan

Etter den politiske behandlinga av Øygarden 2040 skal kommunen arbeida vidare med å vurdera og prioritera dei ulike investeringsbehova.

Kommunedirektøren vil leggja fram forslag til investeringar som del av arbeidet med budsjett 2027 og økonomiplan 2027–2030.

Det er gjennom dei årlege budsjett- og økonomiplanvedtaka at kommunestyret tek stilling til kva prosjekt som skal prioriterast, når dei skal gjennomførast og korleis dei skal finansierast.

Behovsanalysar

Behovsanalysane er det faglege grunnlaget for Øygarden 2040. Analysane skildrar forventa utvikling i folketal, tenestebehov og bygningsmasse, og viser kva kapasitet kommunen vil ha behov for i framtida.

Lenke til behovsanalysen for Helse og velferd.
Lenke til behovsanalyse for Oppvekst
Lenke til behovsanalyse for Samfunnsutvikling

Kvartalsrapportar

Årsmeldingar