Forslagsretten kan nyttast av både enkeltpersonar og organisasjonar med tilknytning til Øygarden kommune. Forslag kan også fremjast av personar under 18 år.

Forslag kan fremjast viss minst 300 innbyggjarar busett i Øygarden kommune, stiller seg bak forslaget. Støtta skal dokumenterast i form av namn og bustad på dei som støttar forslaget. Dei som stiller seg bak eit forslag kan vera under 18 år.

Ein kan samla underskrifter via:

Via misak.no

Forslag som vert fremja må gjelda kommunen si verksemd, anten oppgåver kommunen faktisk er engasjert i (lovpålagt eller frivillig) eller oppgåver kommunen kan driva med, forutsett at kommunestyret har mynde til å ta avgjerd på det aktuelle saksområdet. Initiativretten kan ikkje nyttast for å gjera om vedtak fatta av kommunestyret i budsjettsamanheng.

Eit forslag med same innhald kan ikkje fremjast to gongar i løpet av same kommunestyreperiode. Eit forslag kan heller ikkje setjast fram på nytt før det er gått fire år sidan forslaget sist vart fremja/behandla av kommunestyret.

Det må gå fram av forslaget kva ein ønskjer at kommunestyret skal ta stilling til. Forslaget bør vera så presist formulert at det er mogleg for kommunestyret å vedta forslaget slik det ligg føre.

Det må gå fram av forslaget kven som er initiativtakar(ar), samt namn, adresse, telefonnummer og eventuelt e-post adresse på kontaktperson.

Forslaget med underskriftsliste vert å senda til Øygarden kommune:

Elektronisk via misak.no

Via post til:
Øygarden kommune,
Ternholmvegen 2,
5337 Rong