Framtidige arbeidsplassar tek form – prosjektgruppa er i gang

Prosjektgruppa er no godt i gang med prosjektet for areal og lokalisering av tenester. Arbeidet skal gi eit framtidsretta kontormiljø, betre arealbruk og ei trygg og føreseieleg flytting for dei tilsette. Ingen avgjerder er tekne enno, men mykje kartlegging er allereie gjort.

Solsio - nytt administrasjonsbygg - Klikk for stort bilete

Kva har vi gjort så langt?

For å ha eit godt grunnlag, har prosjektgruppa gjennomført fleire kartleggingar og samla inn fakta:

  • Oversikt over leigeavtalar: Vi har samla informasjon om alle leigeavtalane våre og når dei går ut
  • Arealgjennomgang: Prosjektet har vurdert korleis vi kan bruka areala betre og meir effektivt.
  • Oversikt over bygg: Vi har laga ei samla oversikt over kommunale og leigde bygg som kan nyttast til kontor
  • Kjøp av Solsio-bygget: Kommunen har kjøpt Solsio-bygget, og  dette er ein del av vurderingane for framtidig lokalisering
  • Skjema i Forms: Kommunalsjefar, einingsleiarar og avdelingsleiarar på rådhuset har svart på eit omfattande kartleggingsskjema
  • Tellingar og bruksmønster: Vi har kartlagt korleis dei tilsette brukar rådhuset i dag

Tre underprosjekt

Vidare arbeid

Vi har allereie ein framdriftsplan som viser kva som skjer dei neste månadene. No går vi inn i ein ny fase der vi skal starta drøftingar om plassering av einingar og tilsette. Målet er å få ein god oversikt før vi legg fram sak til styringsgruppa.

Ingen avgjerder er tekne

Det er viktig for prosjektgruppa å understreka at ingen avgjerder er tekne. Arbeidet som er gjort til no, er grunnlag for vidare vurderingar og dialog med både leiarar og tilsette.

Vi held fram

Prosjektgruppa vil halda fram med å informera jamleg utover våren. Målet vårt er at alle tilsette skal vita kva som skjer, kva grunnlag vi byggjer på, og korleis prosessen vil gå føre seg fram mot flyttinga i 2027.

Her kan du lesa meir om prosjektet for Areal og lokalisering av tenester

Sist endra 13.03.2026 10.45