Det er utarbeidd ein tentativ flytteplan som viser planlagt rekkefølgje og tidspunkt. Planen ligg nedst i denne orienteringa og vil vere utgangspunktet for den vidare gjennomføringa. Det kan bli behov for justeringar undervegs dersom det oppstår uventa forhold.

Vidare prosess og medverknad 

Vi er klar over at flyttinga engasjerer mange og kan skape spørsmål om framtidig arbeidskvardag. Målet er å gjennomføre prosessen på ein føreseieleg måte med god informasjon og involvering undervegs.

Flyttinga blir gjennomført stegvis. Når vi nærmar oss flytting av den enkelte eining, vil prosjektet ta kontakt med aktuell leiar.

Det vil bli eigne fysiske møte for leiarane på kvart enkelt bygg. Alle leiarar vil bli involvert når deira del av flytteprosessen nærmar seg. På Skogsvåg og Rong vil også leiarane for dei einingane som allereie held til der, bli invitert inn i prosessen. Dette er viktig då flyttinga kan medføre endringar også for dei som er der frå før.

Leiar vil då bli involvert i planlegginga og få høve til å medverke i praktiske forhold og andre spørsmål som må avklarast før flytting. Innspela som tidlegare er sende inn gjennom spørjeskjema, vil også bli tekne med vidare i arbeidet.
Det vil vere ulike behov for dei ulike lokasjonane. Til dømes vil prosessen for dei som skal inn i nytt bygg på Solsio særleg dreie seg om kartlegging av behov og rammer for bruk av arbeidslokale.

For å sikre ei koordinert gjennomføring vil prosjektet ta initiativ til nødvendige avklaringar i takt med framdrifta i flytteplanen. Dersom det er særlege forhold som det er viktig å få avklart tidlegare, ber vi om at desse blir melde inn til prosjektet.

Vi er i gang med involveringsprosess på fleire bygg. Vi planlegg vidare å starte opp involveringsprosess for leiarane på Solsio i september og Rong og Skogsvåg i oktober.

Prosjektet har fått fleire spørsmål knytt til parkering ved dei ulike bygga. Vi arbeider no med å utarbeide ei oversikt over parkeringsmoglegheiter, kapasitet ved bygga og kostnader knytt til parkering på Solsio. Vi vil dele meir informasjon om dette så snart oversikta er klar.

Leiar sitt ansvar 

Leiar har ansvar for prosessen i eiga eining og for å sikre nødvendig informasjon og medverknad frå eigne tilsette.

Flyttinga kan føre til endringar i arbeidsmiljø, organisering, arbeidsmåtar eller oppgåveløysing. Leiar må vurdere kva konsekvensar dette får for eiga eining og følgje opp nødvendige tiltak.

ROS og medverknad Det er gjennomført ein overordna ROS for arealeffektiviseringsprosjektet. Når flyttinga no skal gjennomførast, har den enkelte leiar ansvar for å vurdere behovet for ROS knytt til endringar i eiga eining, og sikre nødvendig medverknad frå tilsette og verneombod. Ved behov kan prosjektet bidra med prosesstøtte.

Tentativ flytteplan 

Flytteplanen er tentativ. Endringar i tidspunkt og rekkefølgje kan bli nødvendige undervegs.