Skisse: ARD Arealplan AS
Plan- og miljøutvalet var samla til møte på torsdag.
I tillegg ønskjer seglforeininga å utvida anlegget for å få plass til om lag 30 fleire båtplassar. Det er også eit formål å etablera ein ny arrangementsplass i tilknyting til ny molo med tilkomst via ei bru frå eksisterande anlegg. Ut over dette regulerer planen området i all hovudsak i samsvar med eksisterande bruk.
Planområdet ligg i underkant av fem kilometer nord for region- og kommunesenteret Straume og er på om lag 55 dekar.
Tilrår å slutta seg til handlingsprogram for Miljøløftet
PMU tilrår at kommunestyret sluttar seg til handlingsprogrammet til Miljøløftet for 2027–2029, slik det ligg føre.
Handlingsprogrammet viser at prosjekt i Øygarden kommune i perioden 2027 - 2029 ligg inne med omlag 467 millionar kroner. I tillegg kjem fylkeskommunalt bidrag på 52,4 millionar kroner til prosjektering og meirverdiavgift for dei to prosjekta som gjeld fylkesveg.
Byvekstavtalen forpliktar avtalepartane til å samarbeida om å nå nullvekstmålet gjennom effektiv arealbruk og ved at framtidig vekst i personbiltrafikk vert tatt med kollektiv, sykling og gonge (nullvekstmålet).
I saka er det vist til status i fire prosjekt i Øygarden.
Akse Straume sjøfront til Varden
Prosjektet er redusert i forhold til tidlegare handlingsprogram. Midlane er tenkt brukt på å utvikla Straumsalmenningen mellom Sartorvegen og Straume sjøfront. Forprosjekt 2026, gjennomføring 2027/28.
Bildøyvegen/Straumsundet bru
Løyving i statsbudsjettet for 2026 på 16,4 millionar kroner er mellom anna tiltenkt grunnerverv. Det er planlagt anleggsstart hausten 2027/samordna med opning av nytt sotrasamband.
Miljøgate Ågotnes - delstrekning 1
Fylket skal prosjektera og klargjera for anbod i 2026/2027. Gjennomføring er planlagd i 2028/2029.
Skogsskiftet sentrumsområde
Prosjektet er ute på anbod. Løyving i statsbudsjett for 2026 på 25 millionar kroner er trekt ned til 15 millionar kroner i samband med innspel til revidert nasjonalbudsjett frå Statens vegvesen. Gjennomføring av prosjektet er planlagt 2027 - 2029.
Når det gjeld belønningsmidlar, har kommunen til handlingsprogrammet 2027-2029 spelt inn eit behov på 13,9 millionar kroner til fire ulike mindre prosjekt. Dette er:
- prosjektstilling mobilitet
- midlar til administrasjon og utvikling av mikromobilitet
- gjennomføringsmidlar til tiltak i vedteken trafikktryggleiksplan
- samlepott planleggingsmidlar for prosjekt i kommunen
Saka går til endeleg behandling i kommunestyret.
Legg forvaltningsplan for grågås ut til offentleg ettersyn
Dei siste åra har fleire teke kontakt med kommunen for å få løyve til å fella grågås. På ulike område, særleg i den nordlege delen av kommunen, samt nokre område sør i kommunen, har det vore betydelege skadar på jordbruksareal i fleire år. Tiltak som har vore gjennomførte for å skremma gåsa, til dømes bruk av skremmeskot, rovfuglfigurar og andre forstyrringstiltak, har vist lite og kortvarig effekt.
Øygarden kommune har no utarbeidd ein forvaltningsplan for grågås for å ha verktøy til å motverka eit aukande problem av skader på fulldyrka areal.
Plan- og miljøutvalet vedtok at forvaltningsplan for grågås i Øygarden kommune 2026 - 2030, vert lagt ut til offentleg ettersyn.
Andre saker
Utvalet behandla to klagesaker.
Her kan du lesa innkalling med saksdokument.
Her er opptak frå møtet (kommune-TV).
Tekst: Vigleik Brekke
Illustrasjon: ARD Arealplan AS