Følgjande personar tilrådast influensavaksine før haust- vintersesongen 25/26:

• Bebuarar i omsorgsbustad og sjukeheim
• Alle frå fylte 65 år
• Gravide etter 12. svangerskapsveke (2. og 3. trimester). Gravide i 1.trimester med anna tilleggsrisiko skal også få tilbod om influensavaksine
• For tidleg fødde born, særskilt barn fødd før veke 32 i svangerskapet, frå 6 månader (kronologisk alder) til 5 år
• Barn og vaksne med: 
  • Kronisk lungesjukdom med nedsett lungefunksjon, og astma
  • Kronisk hjarte-/karsjukdom, men unntak av velregulert høgt blodtrykk
  • Diabetes
  • Kronisk alvorleg leversjukdom
  • Kronisk alvorleg nyresjukdom
  • Kronisk alvorleg nevrologisk sjukdom, særskilt til personar med nedsett funksjonsnivå, lungekapasitet og/eller hostekraft, til dømes ved multippel sklerose, cerebral parese, Parkinsons sjukdom eller ALS
  • Nedsett immunforsvar grunna sjukdom og/eller immundempande behandling, ved til dømes organtransplantasjon, kreft, autoimmune sjukdomar
  • Fedme med kroppsmasseindeks (KMI) på 35 kg/m2 eller høgre
  • Anna alvorleg og/eller kronisk sjukdom der influensa utgjer ein alvorleg helserisiko etter individuell vurdering av lege, som personar med medfødde kromosomavvik (til dømes Downs syndrom) og genetiske syndom 
• Andre

Det er også grupper utanfor programmet som er tilrådd influensavaksine, som helsepersonell med direkte pasientkontakt, svinerøktarar, saneringspersonale eller andre som arbeider med influensasjuk tamfugl, og personar som bur med eller er tilsvarande nære immunsupprimerte. Desse gruppene får tilbod gjennom arbeidsgjevar, eller må sjølv oppsøke apotek og ta vaksine der. 

Du kan lese meir om influensavaksine her: Influensavaksine – håndbok for befolkningen - FHI

Følgjande personar tilrådast koronavaksine før haust- vintersesongen 25/26: 

• Bebuarar i omsorgsbustad og sjukeheim
• Aldersgruppa 75 år og eldre
• Aldersgruppa 18-74 år som inngår i ei risikogruppe*
• Aldersgruppa 12-17 år med alvorleg grunnsjukdom*
• Aldersgruppa 6 månader – 11 år med alvorleg grunnsjukdom etter individuell vurdering*

Personar i alderen 65-74 år som ikkje høyrer til ei risikogruppe kan få vaksine gjennom vaksenvaksinasjonsprogrammet dersom dei ynskjer dette, sjølv om denne gruppa ikkje er inkludert i FHI si tilråding. 

Merk at friske gravide ikkje lenger er tilrådd koronavaksine. 

Sjå her for definisjon på kva for risikogrupper og grunnsjukdom det er snakk om: Koronavaksine – håndbok for befolkningen - FHI

Denne tilrådast til alle over 65 år, eller personar med risiko for alvorleg sjukdom. 

Frå og med hausten 2025 vil alle som er 65 år (fødde i 1960) få tilbod om vaksinen gjennom vaksenvaksinasjonsprogrammet. Vaksinen som nyttast i programmet kallast Prevenar20 og gir livslangt vern i motsetnad til den tradisjonelt mest brukte vaksinen som heiter Pneumovax som må fyllast på kvart 6. år. Innbyggjarar som er eldre enn 65 som treng pneumokokkvaksine må ordne dette på eige initiativ slik det har vore i alle år tidlegare. Frå neste år vil det vere dei som er fødde i 1961 som får tilbodet, samt dei fødde i 1960 som ikkje takkar ja til tilbodet no i år. 

Du kan lese meir om pneumokokkvaksine her: Pneumokokkvaksine – håndbok for befolkningen - FHI

Vaksine mot influensa, korona og lungebetennelse kan setjast samstundes. Einaste unntaket er innbyggjarar som skal ha forsterka influensavaksine. Denne tilbydast til personar over 50 år som bur på sjukeheim, i omsorgsbustad/forsterka butilbod eller har omfattande behov for helserelatert hjelp frå heimesjukepleia. For personar som skal ha forsterka influensavaksine må det gå minst 7 dagar mellom denne og koronavaksinen.