Suzanne Madeleine Nikolaisen Privat

Suzanne Madeleine Nikolaisen har brei erfaring frå barnevernsfeltet, både som leiar og fagperson. Ho er utdanna sosionom og har mastergrad i barnevern frå Universitetet i Bergen. I tillegg har ho fleire vidareutdanningar innan mellom anna rettleiing, avdekking av vald og overgrep og barnevernfagleg leiing. 

- Gjennom karrieren har ho bygd opp solid kompetanse innan fagutvikling, endringsleiing, kvalitetsforbetring og HMS-arbeid. Som leiar er ho oppteken av å skapa eit godt arbeidsmiljø prega av tillit, openheit og medverknad, seier barne- og familiesjef Monica Johannesen Mørk.

Mørk seier at den nye einingsleiaren også er oppteken av å omsetja mål og strategiar til konkrete tiltak som styrkjer tenesta. 

- No ser ho fram til å bidra til vidareutvikling av barneverntenesta i Øygarden saman med dyktige og engasjerte medarbeidarar, seier barne- og familiesjefen.