Ill.bilete

No er det klart at tenesta får tildelt 800 000 kroner frå Utdanningsdirektoratet til dette arbeidet. Med eigenandel på 30 prosent vert skulebiblioteka styrkt med 1,2 millionar kroner.

Søknaden er forankra i både den kommunale skulebibliotekstandarden og Språkkommune-satsinga. 
Sidan 2021 har koordineringstenesta i kommunen jobba med å utvikla skulebiblioteka som ein pedagogisk ressurs. No ser ein behov for å styrkja innsatsen særleg i ungdomsskulen, der utfordringar som svake leseferdigheiter og ein digital kvardag prega av feilinformasjon, polarisering og manipulerande innhald gjer arbeidet med kritisk tenking ekstra viktig. 

Gjennom prosjektet skal det mellom anna satsast på kompetanseheving, utvikling av undervisningsopplegg og tettare samarbeid mellom lærarar og skulebibliotekarar. Målet er å styrkja arbeidet med kjeldekritikk i ungdomsskulen og gi elevane betre føresetnader for å handtera kompleks og samansett informasjon.  

Toril Aune Børmo
Koordinator skulebibliotek-tenesta, lektor v/ Fjell ungdomsskule