Frå juleavslutninga for Allsong+

Leiaren i Treff+, Berit Anita Knudsen Larsen, innleia med å heidra Vivian Steinsland og Ernst M Einarsen som var initiativtakarar til eit slikt arrangement og som framleis er sterkt involverte gjennomføringa. 

Ho fortalde vidare at dette har vore ein stor suksess frå starten i mars 2023 og at berre i år har rundt 4500 personar møtt opp til samlingane som blir haldne fast kvar torsdag i Odeon kino. 

Tor Endresen var i storform, og mellom klassikarar som blant andre «Yesterday», «I natt eg drøymde», «Only sixteen», blei det både vitsar og musikalske parodiar. Det kjekkaste er likevel at vi får syngja i lag med dei, var ein av dei mange svært positive kommentarane i etterkant. 

Gitaristen Jan Arne Knutsen som er øygardsværing og «ein av våre», som Berit Anita uttrykte det, var stornøgd med det dei hadde vore med på. 

- Eg fekk rett og slett «ståpels» av responsen frå dei i salen! Det var fantastisk å høyra dei synge både med oss! sa ho.

Både varaordførar Anita Garlid Johannesen og kultursjef Marian Guddal Hansen var til stades og song ivrig med.
Allsong+ startar opp igjen i storsalen i Odeon kino torsdag 16. januar kl 13.00.


Foto: Ernst M. Einarsen