Ågotnes

Bustadene med personalbase skal primært plasserast på Ågotnes. Dersom marknadsdialogen viser at dette er utfordrande, opnar kommunen for at prosjektet kan realiserast på Straume.

- Vi ønskjer å få innspel frå marknaden på korleis prosjektet best kan løysast. Målet er å få på plass omsorgsbustader som er godt tilpassa brukarane og drifta til kommunen, seier leiar for utbygging i Øygarden kommune, Christian Alsaker.

Det vert invitert til ei open marknadsdialog i Øygarden rådhus, Straume, tysdag 26. mai kl. 12.00-15.00.
Bustader med personalbase skal leverast av tilbydar. Tilbydar skal sjølv skaffa tomt, prosjektera og byggja. Når prosjektet er sluttført, kjøper kommunen bustader og tomt av tilbydar for framleige til brukarar.

Invitasjonen til marknadsdialogen 26. mai er lyst ut i Doffin. 

Konkret skal prosjektet omfatta:

• 40 nye omsorgsbustader med fellesareal
• personalbase integrert i bygget
• tomt med tilhøyrande uteopphaldsareal eigna for målgruppa

Det vert søkt om investeringstilskot frå Husbanken. Kommunen er ansvarleg for søknaden, men det er ein føresetnad at prosjektet kvalifiserer for tilskotet.

Tekst og foto: Vigleik Brekke