Ordførar Tom Georg Indrevik og Morten Johnsen i Craft Consulting.

Den totale årsomsetninga for Craft Holding AS (alle dotterselskapa) er 130-140 millionar kroner. Mellom 80 og 90 personar er tilsett i dei ulike selskapa. Hovudbasen er i Austefjorden vis av vis Panorama Hotell & Resort. Dei fleste selskapa er lokalisert i Austefjorden.

Miljøfyrtårn er eit verktøy for sertifisering og miljøleiing som skal hjelpa bedrifter til å lukkast med den grøne omstillinga. Etter at bedriftene har dokumentert at dei kan få status som Miljøfyrtårn, er det klart for utdeling.

Det var brødrene William og Dag Helge Bernhardsen som starta det heile med Straume Rør. Dette er i dag eitt av dei 11 selskapa i Craft Holding. I tillegg til røyrleggjarfirmaet er Craft Holding engasjert innan skadekontroll, innkjøpssamarbeid, marknadsføring, ventilasjon, skadesenter, anleggsgartnar, konsulentverksemd, betong/mur og eigedom. 

Dei fleste selskapa er lokalisert i Austefjorden.

For Craft Holding er det eit strategisk grep å verta miljøfyrtårnsertifisert. Kvart selskap har laga ein plan med sorteringsgrad for kvart prosjekt.

- Vi har fire el-bilar og tre nye er på veg. Vi forventar at det vert meir fokus på at bedriftene er miljøfyrtårnsertifisert, seier Svein Erik Helgheim i Straume Rør.

Frå venstre; Joakim Bernhardsen (Øygarden Betong), Elena Holm Andersen (Innkjøpsgruppen), Svein Erik Helgheim (Straume Rør), Morten Johnsen (Craft Consulting), ordførar Tom Georg Indrevik, Frode Johnsen (Innkjøpsgruppen), Trygve Berg (Norsk Skadekontroll) og Ruth Johnsen (Craft Entreprenør).

Ordførar Tom Georg Indrevik seier at fleire og fleire bedrifter i Øygarden får status som miljøfyrtårn.

- Desto fleire bedrifter som sertifiserer seg, desto sterkare står vi, seier ordføraren som gler seg over at selskapa har etablert seg i denne delen av kommunen.


Tekst og foto: Vigleik Brekke