I strålande solskinn hadde kommunedirektør Johnny Breivik invitert sentrale reiselivsaktørar til utestudio under ei markering på Fjell festning 27. august.

- Vi gler oss over at Øygarden no er tildelt merke, men samstundes startar jobben med å verta endå meir berekraftig, seier direktør for reiseliv i Innovasjon Norge, Aase Marthe Horrigmo.

Reiselivsdirektør Helene Frihammer (Visit Bergen) seier at det er ein fordel for Øygarden å vera tett opp mot Bergen.

- Vi er ein av dei mest attraktive regionane i landet. Denne attraktiviteten må koma heile bergensregionen til gode, seier reiselivsdirektøren.