Opnar beredskapsløypa på Fjell festning

Sundag 6. april klokka 12.00 er det offisiell opning av beredskapsløypa på Fjell festning. Opningsseremonien skjer på parkeringsplassen.

Øygarden kommune

Beredskapsløypa er eit samarbeid mellom Sotra og Øygarden Forsvarsforening og Stolpejakta. Uteskulen/Stolpejakta har laga quiz. 

Her får du altså høve til å svara på spørsmål samstundes som du mosjonerer. Kultursjef Marian Guddal Hansen vert med på opningsmarkeringa. 

Les meir her: www.stolpejakten.no. Last ned appen og kom i gang. Dette er gratis.

Opplegget passar for alle, foreiningar og bedrifter. Det er stand med informasjon frå klokka 11.00.

Løypa er open frå klokka 12.15 og vil stå utover i året. Løypa følgjer vegen opp og ei rundløype på toppen.