Lisbeth Hjortland er ny leiar i RFF. Til venstre, nestleiar Christian Daae-Hansen.

Lisbeth Hjortland representerer Norsk Forbund for Utviklingshemmede (FFO). Ingvild Skaar har fått fritak for vervet i rådet. Rådet er supplert med Marita Harkestad Oen som fast medlem. 

Budsjett og økonomiplan

RFF gav innspel til budsjett for 2026 og økonomiplanen for 2026-2029. Det er ein del av budsjettprosessen at råda får koma med budsjettinnspel til kommunedirektøren. Innspela vert tekne med i det vidare budsjettarbeidet.

Rådet ber om at gruppene som fell inn under ansvarsfeltet til RFF vert skjerma frå kutt i tilbod. Det må sikrast at menneskerettane til menneske med nedsett funksjonshemming vert følgde opp (CRPD). (CRPD: Convention on the Rights of Persons with Disabilities") - FNs konvensjon om rettane til menneske med nedsett funksjonsevne).

Andre område rådet peikar på er:

• Innføra digitalt følgjebevis i Øygarden kommune – driftskostnad på om lag 50 tusen kroner pr. år.
• Transportordning for personar med varig tilrettelagt arbeidsplass må halda fram.
• At det er nok avlastningsbustader og avlastningstilbod til å dekka behovet.
• Bygging av fleire bustader til menneske med nedsett funksjonsevne må framskundast.
• Auka plassar på arbeidssenteret då det i dag er lang venteliste.
• Kultur-, fritids- og ferietilbod for brukarar med behov for følgjeperson må prioriterast.
• Halda fram opptrapping av fysioterapeutstillingar, jf. vedtak om å nå mål om landsgjennomsnitt.
• Ergoterapitilbodet for vaksne er nærast ikkje-eksisterande per i dag og det er behov for auke av kapasiteten.
• BPA (Brukarstyrt personleg assistanse) - Det må gjennomførast relevante brukar- og pårørandeundersøkingar for brukargruppa.
• RFF legg til grunn at dekning av transport til ferie-SFO for barn med nedsett funksjonsevne vert vidareført i neste budsjett og ber om at budsjettet ikkje vert knytt til ein bestemt skule, men kan koma alle aktuelle i brukargruppa til gode. Behovsprøving er akseptabelt.
• Det må sikrast at kommunen har tilstrekkeleg aktivitetstilbod til barn og vaksne med nedsett funksjonsevne, spesielt i feriar.
• Sats for omsorgslønn bør tilsvara minstelønn for heimehjelparar med høgaste ansiennitet. Hjelpestønad bør heller ikkje trekkast frå omsorgslønn.  

Andre saker behandla av RFF

• Planprogram for arealdelen til kommuneplanen med strategiar og prinsipp for framtidas utvikling – Høyringsforslag 
• Framskaffing av omsorgsbustader i samarbeid med private aktørar - vegen vidare 
• Ny sjukeheim på Straume – status
• Tenesteskildringar helse og velferd - etter høyring
• Møteplan 2026 for råd og utval i Øygarden kommune

RFF slutta seg til innstilling frå kommunedirektøren i desse sakene.

Her kan du lesa innkalling med saksdokument.


Tekst og foto: Vigleik Brekke