Frå Rongøyna Visit Bergen / Robin Stand.

Dei siste åra har nye reiselivsbedrifter kome til, og i år opna eit nytt hotell på Straume. 

– Øygarden har ei positiv utvikling, og stadig fleire vil oppleva kysten og naturen tett på Bergen, seier reiselivsdirektør Anders Nyland i Visit Bergen. 

– Vi ønskjer å utvikla reiselivet berekraftig, på premissene til innbyggjarane. Difor treng vi innspela dykkar, seier Nyland som understrekar at alle røyster er verdifulle i ei undersøking som dette. 

Andre stader har for mykje turisme skapt problem for lokalsamfunnet. Det vil vi unngå her i Øygarden. Øygarden kommune, Visit Bergen, Vest Næringsråd og fleire aktørar arbeider no med å merka Øygarden som berekraftig reisemål, med støtte frå Innovasjon Noreg. Målet er å styra utviklinga i ei berekraftig retning på lang sikt. 

Reiselivsdirektør Anders Nyland

I veke 35 vil analyseselskapet Opinion ta kontakt med ei rekkje innbyggjarar i heile kommunen for å kartleggja kva dei meiner om reiselivet. Undersøkinga skjer på telefon og SMS.

Vi håpar du tek telefonen og deler di meining om du vert kontakta!