Ill.foto Colourbox

Som meklar skapar du eit trygt rom for dialog mellom menneske som står på kvar si side av ein konflikt, ei uønskt hending eller eit lovbrot. Du møter partane både i individuelle forsamtalar og i felles møte. Målet er å hjelpa dei vidare på ein konstruktiv måte.

I konfliktråda brukar vi gjenopprettande prosess. Dette er ein metode som legg vekt på medverknad, ansvar og høve til å reparera relasjonar. Partane får arbeida saman for å finna gode løysingar.

Opplæring og krav

Alle nye meklar­kandidatar får obligatorisk grunnopplæring i konflikthandtering og gjenopprettande prosess. Kurset går over totalt sju heile dagar hausten 2026 og er delt i to bolkar:

• Bolk 1: 4 dagar
• Bolk 2: 3 dagar

I tillegg må kandidatane delta på eit obligatorisk møte ved det lokale konfliktrådet kort tid etter kurset.

Kurset går føre seg på Gardermoen på dagtid. Konfliktrådet dekkjer reise- og opphaldsutgifter. Kandidatar som ikkje får løna permisjon, kan òg få dekt dokumentert tapt arbeidsforteneste.

Vervet kan kombinerast med jobb eller studiar og går i hovudsak føre seg på ettermiddag og kveld. Meklarar får godtgjersle for arbeid med meklingssaker, for tida kr 248 per time.

Søknadsfrist: 29. mai 2026 

Her er fleire detaljar. (pdf-fil) (PDF, 101 kB)