Frå turen til Gøteborg i mars Katja Morvik

No kan du lesa om denne og mange andre turar skule og barnehage har gjennomført gjennom Erasmus+-programmet til Danmark, Spania, Italia, Frankrike og Sverige på ei eiga side på nettsida til Øygarden kommune. 

Les meir om denne og dei andre reiseskildringane i barnehage og skule.

Gruppa reiste til Gøteborg i midten av mars. Formålet med reisa var jobbskygging i ein barnehage i Gøteborg. 

- Eg forventa å koma til ein barnehage drifta og organisert ganske likt min eigen barnehage i Øygarden. Eg håpte på ny inspirasjon i møtet med kollegaer i Sverige og kanskje nokre idéar som eg kunne ta med tilbake for å justera eigen praksis som pedagog, skriv Matja Morvik i reiseskildringa.

Ho skriv at mobiliteten innfridde forventingane på alle område og gav både fagleg påfyll, nye perspektiv og verdifulle refleksjonar rundt eigen praksis.

- Det som gjorde sterkast inntrykk, var møtet med varme, opne og svært engasjerte fagpersonar som tydeleg brenner for arbeidet sitt, skriv Katja Morvik.