Ill.foto Lars Røraas / Forsvaret

Veteranar sit på verdifull erfaring og kompetanse frå internasjonale operasjonar. Vi ønskjer å bli betre kjende med veteranmiljøet i Øygarden og utforska korleis veteranar kan bidra i lokalsamfunnet på ulike måtar.

Vi ser særleg etter veteranar som kan tenkja seg å:

• halda foredrag i skular om internasjonal teneste, fredsarbeid og demokrati
• dela erfaringar og kunnskap med barn og unge
• bidra som ressursar ved arrangement og markeringar
• vera ein del av eit lokalt veteranfellesskap
• bidra med erfaring og kompetanse i samband med beredskap og samfunnsengasjement

Det er heilt uforpliktande å ta kontakt. Vi ønskjer både å høyra frå veteranar som allereie er aktive i veteranorganisasjonar, og frå veteranar som ikkje er tilknytte noko organisert miljø.

Interessert?

Ta gjerne kontakt med veterankontakten i Øygarden kommune:

Bjørn Andersen, tlf. 906 56 836, bjorn.andersen@oygarden.kommune.no

Vi ser fram til å høyra frå deg og til å utvikla eit godt samarbeid med veteranane i Øygarden.

Takk for innsatsen du har gjort for Noreg!

Vennleg helsing
Øygarden kommune