Vedtak i Plan- og miljøutvalet 

Plan- og miljøutvalet i Øygarden kommune har i møte den 17.09.2026, gjort vedtak om at forslag til Strategiplan for klima og energi 2026-2030, vert lagt ut på offentleg ettersyn og høyring i fire veker frå kunngjering. Møteplan - Plan- og miljøutvalet

Kort om planen

Strategiplanen skal konkretisera måla og strategiane i samfunnsdelen til kommuneplanen. Han skal òg følgja opp nasjonale og regionale føringar på området.

Planen omfattar strategiar for å redusera klimagassutsleppa både i eiga verksemd og i Øygardssamfunnet. I tillegg omfattar planen strategiar for energiomstilling og klimatilpassing. Strategiane skal gi retning for drift og utvikling i kommunen. Dei skal òg vera grunnlag for tiltak som kommunen vurderer og prioriterer i den årlege behandlinga av økonomiplan og budsjett.  

Dokument i saka 

Planframlegget, kunnskapsgrunnlag og aktivitetar i planprosessen er tilgjengeleg på nettsida til kommunen:
Strategiplan for klima og energi 2026 - 2030

Har du merknadar til planframlegget? 

Alle interesserte kan koma med merknader til planforslaget. Merknader og innspel kan sendast til kommunen på følgjande måtar:

• Elektronisk høyringsinnspel
• e-post til postmottak@øygarden.kommune.no
• brevpost til Øygarden kommune v/Eigedomsutvikling, Postboks 33, 5331 Rong

Frist for å koma med merknad er sett til 19.10.2026

Generelle opplysningar

Merknadene vi får inn, er eit viktig grunnlag når vi vurderer om vi skal gjera endringar i planforslaget. Vi samanfattar og legg fram alle merknader for politisk behandling, men vi svarar ikkje på kvar merknad enkeltvis. Hugs at merknader er offentlege dokument. Difor vil dei koma fram på postlistene til kommunen.

Når du kontaktar oss i denne saka, ber vi om at du oppgir saksnummer 25/2223.