Det viktigaste bidraget til folkeveksten så langt i år har vore innanlandsk nettoinnflytting. Vel  1 400 personar har flytta til kommunen i løpet av dei første tre kvartala av 2025. Samstundes har nesten 1200 personar flytta ut av kommunen. Totalt har innanlandsk nettoinnflytting bidratt til at folketalet har auka med 208 personar så langt i år.

Nettoinnvandringa har ført til ein auke på 57 personar. Fødselsoverskotet har ført til 111 nye innbyggarar.
Nasjonalt ser ein færre innvandrarar, men stigande fødselstal dei seinare åra. I Øygarden er det framleis lågare fødselstal enn på starten av 2020-talet, men også høgare nettoinnvandring.

Veksten i Øygarden så langt i år utgjer 0,9 prosent. Til samanlikning har folketalet i Bjørnafjorden auka med 1,4 prosent i løpet av dei første tre kvartala, medan veksten har vore lågare i Bergen (0,3 prosent), Askøy (0,5 prosent) og Alver (0,2 prosent).


Tekst: Kristina Espeseth, samfunnsplanleggjar
Foto: Colourbox