CCB på Ågotnes

I ei pressemelding skriv CCB at rammeavtalane med Forsvarsmateriell omfattar vedlikehald, reparasjonar og endringsarbeid på heile fartøysporteføljen til Forsvaret, inkludert overflatefartøy, ubåtar og anna maritimt materiell. 

Kontrakten har ei lengde på fire år, med opsjon på ytterlegare tre år, total lengde på inntil sju år. 

Ordførar Tom Georg Indrevik gratulerer CCB og seier at dette er ein viktig avtale for Øygarden og heile bergensregionen.

- Avtalen viser at CCB og Øygarden er godt rusta for denne type oppdrag. Avtalen gjer også at vi  styrkjer vår posisjon med tanke på framtidige forsvarsoppdrag. Det bidreg også til å sikra arbeidsplassane som er både på og rundt CCB, seier ordføraren.

Konsernsjef i CCB; Jan-Dagfinn Lund seier at visjonen til CCB er å vera den føretrekte og toneangjevande tenesteleverandøren ved å levera dei beste løysingane kundane. 

- Avtalen med Forsvarsmateriell er ein viktig milepåle for oss, og stadfestar at den langsiktige satsinga vi har hatt mot forsvarssektoren gjev resultat. Vi skal halda fram med å strekkja oss langt for å levera løysingar og tenester som skapar verdi for kundane våre, seier konsernsjefen. 


Tekst og foto: Vigleik Brekke