Folkemøtet engasjerte dei som møtte fram. Frå venstre; Vidar Totland (Invest In Vestland), Hege Marie Wølneberg (Statnett) og Steinar Parelius (Statnett).Om lag 30 engasjerte innbyggjarar møtte opp. Leiar for plan- og miljøutvalet, Børge Haugetun, ønskte velkommen og gav ei historisk ramme for Energiparken. Han understreka intensjonen om å fremja grøn næringsutvikling, og koplinga til Northern Lights-anlegget, som nyleg injiserte den første CO₂ til reservoaret, ein viktig milepåle i det globale miljøprosjektet.
Områdeplan for Energiparken
Ole-Karsten Midthjell, planleggar i Øygarden kommune, orienterte om områdeplanen som no er ute på høyring.
Les meir om planen: Kunngjeringar
Mona Hermansen, plankonsulent frå Norconsult, presenterte ulike fagtema som:
- Massehandtering
- Lukt
- Drikkevatn
- Støy
Alle vurderingar er baserte på eit tenkt scenario, sidan det enno ikkje er klart kva for verksemder som vil etablera seg i parken.
Møtet vart halde på Rong kulturhus.Frå salen kom det fleire konstruktive og engasjerte spørsmål, blant anna om:
- Kraftbehov for grøn industri
- Tidsperspektiv for utbygging
- Forventa arbeidsplassar
- Tap av natur og visuell påverknad
Kommunen, Norconsult og ordførar uttrykte forståing og respekt for spørsmål og bekymringane, og oppmoda alle til å senda inn innspel innan høyringsfristen 5. september. Planavdelinga i kommunen tek gjerne imot spørsmål frå innbyggjarar som ønskjer avklaringar i saka.
Prosjekta til Statnett
Steinar Parelius, advokat i Statnett, informerte om fleire prosjekt som skal:
- Auka kraftkapasiteten til Kollsnes, sokkelen og nye kraftkrevjande industriar
- Styrkja forsyningstryggleiken i regionen
Øygardskabel 2 er under arbeid langs fylkesvegen og planlagt ferdig i 2027.
Ny transformatorstasjon i Øygarden har byggjestart i oktober og skal stå ferdig i 2029.
Ny linje frå Samnanger er under konsekvensutgreiing, og traseval blir avgjort av NVE og Energidepartementet.
Les meir om Statnett sine prosjekt her: Øygardskabelen /Transformatorstasjon/Ny linje Samnanger
Statnett oppmodar innbyggjarane til å delta i høyringsrundane og senda inn innspel.
Børge Haugetun runda av møtet.Ved avslutninga, der Haugetun takka for godt oppmøte og engasjement, vart det kommentert frå salen at det er fint med slike folkemøte der innbyggjarane kan koma og få informasjon og få stilla spørsmål.
Tekst og foto: Marianne Furheim