Fylkestinget utsette saka om auka garanti for lån til Sotrasambandet

Fylkesordførar Jon Askeland sa på møtet at han har fått invitasjon frå samferdsledepartementet som vil ha møte med fylket. 

- Vi gjer det som skal til for å løysa situasjonen og få bygd Sotrasambandet. Det er eit stort ansvar for regionen og landet og bidra til det. Vi vil utgreia dette landskapet saman med departementet og Statens vegvesen før me får saka opp igjen, sa fylkesordføraren.

Før møtet hadde samferdsleutvalet og fylkesutvalet slutta seg til innstillinga frå fylkesdirektøren der det mellom anna heitte at «det er det er urimeleg at fylkeskommunen blir pålagt å auka garantien for bompengelån for riksveg 555 Sotrasambandet etter at bompengeproposisjonen er godkjend og utbygginga er starta opp."

Bakgrunnen for saka er at Statens vegvesen har bedt Vestland fylkeskommune om å auka den fylkeskommunale garantiramma for bompengelån til delfinansiering av rv. 555 Sotrasambandet frå tre milliardar kroner til 5,8 milliardar kroner.  Årsaka er endra periodisering av bompengebidraget, og høgare prisvekst og renteutvikling enn føresett då fylkestinget i Hordaland stilte garanti i 2017

No har altså fylkestinget utsett saka om auka garanti for bompengelån. Det er Indrevik glad for.

- Eg registrerer at fylket vil bidra til at Sotrasambandet vert ferdigstilt så snart som mogleg, seier ordføraren.

Fylkestinget slutta seg også til eit utsetjingsforslag frå Trond Tystad (Bergenslisten) om å få utgreidd rentesårbarheit før saka kjem opp igjen.

Tekst: Vigleik Brekke
Foto: Sotra Link