Det var ein stolt gjeng som kom heim til Øygarden laurdag kveld.

Øygarden har delteke med mange lag i det som er verdast største fotballturnering for barn og unge. Sotra Sportsklubb stilte opp med 17 lag og 250 spelarar. Også Telavåg, Sund Sportsklubb, Nest-Sotra og Øygarden IL deltok med fleire lag i turneringa.

Ordførar Tom Georg Indrevik seier at det er gjort ein stor innsats av lagleiar, foreldre og støtteapparat på Norway Cup. Han let seg imponera både av laget som tok gull og laget som tok bronse.

- Men det er vist stor innsats frå alle laga frå Øygarden. Eg vil retta ei stor takk til alle som har gjort dette mogleg. Som alltid er det viktigast å delta, men det er også kjekt når nokre av laga frå kommunen kjem tilbake med pokal og siger, seier ordføraren.


Tekst: Vigleik Brekke
Foto: Privat