Arkivfoto. Frå møetet i kommunestyret 21. oktober i år.

Formannskapet behandlar saka tysdag 9. desember.

Sidan 2019 har det vore 45 medlemer i kommunestyret. Minimumskravet for kommunar med om lag 40 tusen innbyggjarar er 27 medlemer. Kommunestyret må sjølv vedta endring av medlemstalet innan utgangen av desember nest siste år av valperioden. 

I 2022 vedtok kommunestyret å opprette eit politisk arbeidsutval for å mellom anna vurdera tal medlemer i kommunestyret. Arbeidsutvalet tilrådde eit medlemstal på 39 frå kommunestyreperioden 2023-2027. Kommunestyret vedtok at det framleis skulle vera 45 medlemer i perioden 2023-2027.

I saksutgreiinga vert det vist til at ulempa med å redusera talet på medlemer er at det mellom anna vert vanskelegare for små parti å få inn representantar. På den andre sida kan færre representantar gjera det enklare å gjennomføra møte og ta avgjerder. Det kan også bidra til raskare politiske prosessar og redusera kostnadene. 

Ved å redusera talet på kommunestyrerepresentantar til 27, vil den årlege innsparinga verta om lag 740 tusen kroner.

Andre saker i formannskapet

• Budsjett 2026 og økonomiplan 2026-2029
• Sal av areal i Skogsskiftet

Her kan du lesa innkalling med saksdokument.


Tekst og foto: Vigleik Brekke