Festa for 20 år med Sotra United

Det var stor fest for Sotra United på sundag. Vel 60 personar var samla til 20-årsjubileum i lokala til CCB på Ågotnes.
- Det var ein fantastisk gjeng som var der, både tidlegare spelarar og noverande, seier varaordførar Anita Garlid Johannessen som var med på festen.

På sundag var det fest for Sotra United. Ole Magnus og Annlaug i "ramma" og varaordførar Anita Garlid Johannessen til høgre. - Klikk for stort biletePå sundag var det fest for Sotra United. Ole Magnus og Annlaug i "ramma" og varaordførar Anita Garlid Johannessen til høgre.

Det er altså 20 år sidan Annlaug Trellevik og Tove Iren Vindenes starta opp tilrettelagt fotball for menneske med funksjonsvariasjonar. Laget fekk namnet Nest Sotra United og flytta etter nokre år over til Sotra Sportsklubb og endra då namnet til Sotra United. 

Lagleiar Ingvild Hammersland opplyser at laget har i dag over 30 spelarar i alderen åtte til over 50 år. På samlinga på sundag var gamle og nye spelarar, trenarar, følgje og foreldre samla for å feira jubileet. Det var det mimring og biletframsyning. 

- Eitt av høgdepunkta frå laget si historie var deltaking i Special Olympics i Athen. I tillegg har laget reist til Portugal, Eidfjord og Voss fleire gonger. Lagleiarar og trenarteam takkar for ein fin-fin fest, og vi gler oss til 20 nye år med trening, fotballkampar, turar i inn- og kanskje utland og ikkje minst den store idrettsgleda og samhaldet som bur i dette laget, seier Ingvild Hammersland.

Varaordførar Anita Garlid Johannessen hadde ei helsing på festen der ho av slutta med å ønskja laget lukke til vidare. Ho var imponert over at så mange stiller opp frivillig i Øygarden kommune, og at dette tilbodet var berre eitt av mange som gjer Øygarden til ein god plass å bu. 

- Det var kjekt at så mange er med, og at så mange "gidd" å stilla på trening. Vi har i denne kommunen mange frivillige som har stort rom i hjarta for å vera med å bidra til at andre skal ha det bra. Det gjer meg både audmjuk og stolt. Vi er svært heldige, og vi har eit mangfald av tilbad i denne kommunen som vi aldri må ta for gitt, seier varaordføraren.

Etterpå var det basar og disco. CCB sponsa pizza og kaker på heile gjengen.

Her er fleire bilete:

Klikk for stort bilete
Klikk for stort bilete
Klikk for stort bilete
Klikk for stort bilete