Skålevik skule

I dag har skulen hatt undervisning ute. Frå onsdag vert det ordinær undervisning.  3. og 4. trinn får undervisning på Ulveset skule, medan 5. til 7. trinn skal ha undervisninga på Ågotnes skule. 1. og 2. trinn brukar den delen av Skålevik skule som ikkje er stengd.

Kommunalsjef for Oppvekst, Marius Sylta, opplyser at Skålevik skule i dag har arbeidd med korleis skulekvardagen skal organiserast heretter.

- Når situasjonen er slik han er, er eg imponert over kor raskt skulane snur seg rundt for å handtera situasjonen. Dei tilsette på Skålevik skule skal ha stor takk for at dei har funne gode løysingar for skuledrifta i ein krevjande situasjon. Eg takkar også Ulveset og Ågotnes skular som tar imot elevane på kort varsel, seier kommunalsjefen.

Eigedomsdrift følgjer opp arbeidet med kartlegging av førekomstar av frie asbestfibrar for heile skulebygget.


Tekst: Vigleik Brekke
Foto: Øygarden kommune