Leiar i utvalet, Børge Haugetun, fremja forslaget i saka om dispensasjon for tiltak på Knappskog.

Det same bygget har tidlegare vore søkt bruksendra til ni bueiningar. Kommunedirektøren har vurdert fordelane med å gje dispensasjon som klart større enn ulempene og at tiltaket er i samsvar med tidlegare vurderingar gjort av kommunen. 

Kommunedirektøren tilrådde å gje dispensasjon, men ikkje frå reguleringsføreskriftene 3.8 og 3.9. Dette gjeld køyreveg med snuhammar og fortau langs Hedlo som skal vera ferdige før bruksløyve. 

PMU slutta seg samrøystes til eit alternativ dispensasjonsforslag fremja av utvalsleiar Børge Haugetun (Sotralista-TVØ). I vedtaket er rekkjefølgjekrava (3.8 og 3.9) trekt ut. Dette vert mellom anna grunngjeve med at hybelleilegheiter i gjennomsnitt medfører lågare bilbruk og dermed færre parkeringsplassar og mindre trafikk enn større einingar.

Saka vert no sendt over til partane og Statsforvaltaren i Vestland.

Vil godkjenna plan for Lyngøyhamn

Utvalet tilrår samrøystes å godkjenna detaljreguleringsplan for Lyngøyhamn, Lyngøy. Planområdet på Lyngøyna er på 43 dekar og har som formål å leggja til rette for å etablera seks nye naust og eitt torvhus. Planframlegget er justert etter dialogmøte med Statsforvaltaren.

Vil gå vidare med plan for Søra Sundet

Med seks mot tre røyster tilrår PMU at forslagsstillar å gå vidare med endring av gjeldande plan etter forenkla prosess i detaljregulering for Søra Sundet på Knappskog. Utvalet tilrår at det vert teke inn føresegn som opnar for etablering av ei flytebrygge med landgang. Vidare oppmodar utvalet at forslagsstillar kjem med innspel til arealdelen til kommuneplanen med forslag til endring av arealføremål i sjø. Utvalet meiner at dette er eit klart døme på noko som bør innarbeidast som småbåtanlegg i den kommande arealdelen til kommuneplanen.

Fleirtalet vart samansett av Høgre, Frp, Sotralista og INP. Mindretalet (Ap og MDG) røysta for tilrådinga frå kommunedirektøren om å stadfesta administrativt vedtak om stans av planinitiativet som gjeld endring for Søra Sundet. 

Uttale om endringar i plan- og bygningslova

PMU slutta seg til uttale til forslag om endringar i plan- og bygningslova og byggjesaksforskrifta i samsvar med forslaget frå kommunedirektøren. Eit tilleggsframlegg til høyringsuttale fremja av Frp fekk fem røyster (Høgre, Frp, Sotralista-TVØ og INP).

Klagesaker

PMU behandla to klagesaker.

Her kan du  lesa innkalling med saksdokument.


Tekst og foto: Vigleik Brekke