Vi ser etter hyblar i tilknyting til eigen bustad, der ungdommen får sin eigen stad å bu, samtidig som det er ein trygg vaksen i nærleiken som kan gje støtte og hjelp ved behov.

Som vertsfamilie skal de bidra med tryggleik, positiv merksemd og praktisk støtte i kvardagen. Det kan til dømes vera å vera tilgjengeleg for ein prat, gje råd eller hjelpa til med praktiske oppgåver.

Omfanget av oppfølginga vil variera ut frå den enkelte ungdommen sine behov.

Vertsfamilien får rettleiing og oppfølging frå barneverntenesta. Godtgjersle for oppdraget og husleige blir avtalt ut frå det enkelte oppdraget.

Vi er særleg interesserte i hyblar i området Straume/Litle Sotra–Ågotnes, gjerne med gode bussforbindelsar i kort gangavstand frå bustaden.