Frå samlinga i kultursalen i Øygarden rådhus 22. oktober.

Gode prosedyrar for overgangen mellom barnehage til barneskulen er viktig for å skapa tryggleik og ein god skulestart. 

Språkkommunen Øygarden ønskjer å leggja til rette for gode prosedyrar for overgang mellom barnehage og skule slik at skulestarten blir trygg og god. Møtepunkt mellom pedagogar og leiing i barnehage og skule er viktig for å få kunnskap om kvarandre sin pedagogikk og metodikk. Kulturmøte blir slike møtepunkt gjerne kalla. 

Onsdag 22.oktober 2025 var om lag 60 pedagogar og leiing frå barnehage og barneskule samla til overgangsnettverk i kultursalen på rådhuset. 

Høgskulen på Vestlandet, som er Språkkommunen sin høgskule-partnar, snakka klokt og viktig om leiken sin eigenverdi under overskrifta: « Frå barnehage til skule- med leiken i fokus». Tilhøyrarane fekk høyra fine praksisforteljingar frå Naustvika barnehage, Ågotnes skule og Skogsvåg skule. 

Årshjulet for overgang mellom barnehage og skule skal reviderast, og med gode tilbakemeldingar frå dei som jobbar i barnehage og skule, kan Språkkommunen snart leggja fram eit oppdatert årshjul for overgang.


Tekst og foto: Ranveig Bungum, Avdelingsleiar pedagogisk psykologisk ressurssenter