Barn og unge treng jamn tilførsel av energi og næringsstoff for å veksa og utvikla seg. Vi kan tenka at kroppen er som ein motor som treng bensin for å fungera. Maten er som drivstoff for kroppen. Når vi et mat vil det gi oss krefter slik at kroppen fungerer som den skal. 

Smart mat gir meir energi, betre humør og styrkar immunforsvaret. Smart mat inneber mellom anna eit variert kosthald med mykje grønsaker, frukt og bær, grove kornprodukt, magert kjøt og meieriprodukt, mjuk margarin, og vatn som tørstedrikk.

Mindre smart mat er mat med lite næring og/eller mykje sukker. Dersom barn får i seg slik mat, eller for lite mat, kan dei få lågt eller ustabilt blodsukker. Dette kan gjera barnet trøytt og ukonsentrert. Humøret kan bli påverka, barnet blir raskt svolten igjen og får mindre energi og overskot i kvardagen.

Ein smart frukost og ei næringsrik matpakke held barnet mett lenger. Det gir betre konsentrasjon og hukommelse, og meir energi til skulen og andre aktivitetar i kvardagen.

Barn er avhengige av gode vaksne som planlegg og legg til rette for eit variert og godt kosthald.

Tiltak i Helsefremmande skule-satsinga knytt til tema smart mat

Brosjyre «Smart mat for skulebarn»

Brosjyren (PDF, 3 MB)har fokus på smart frukost og matpakke med konkrete eksempel på dette. Skulen sender ut brosjyren i Vigilo til føresette ved oppstart av nytt skuleår.

Fokusveke «Smart mat i sekken»

Formålet med fokusveka er at elevar, tilsette og føresette skal få auka kunnskap om smart mat og korleis maten påverkar kroppen. Gjennom dette ønskjer ein å inspirera til smarte frukostar og matpakkar for barna.

Påminningar med Ava og Orberto på vekeplanen

Ava og Orberto er maskotane til Helsefremmande skule. For å sikra ein raud tråd gjennom skuleåret kjem maskotane Ava og Orberto med påminning på vekeplanen ca. éin gong i månaden om tema knytt til smart mat og fysisk aktivitet.

Mat og måltid i skule og SFO

• Nasjonal fagleg retningslinje for mat og måltid i skulen.
• Helsefremmande skular vert tilrådd å utarbeida eigne anbefalingar for smart mat i skule og SFO. Her kan skulen til dømes leggja føringar for markeringar og turmat.

Kjelder og nyttige lenkjer

• Helsedirektoratet.no - Kosthold og ernæring
• Helsenorge.no - Kosthold for barn og unge
• Nasjonal fagleg retningslinje for mat og måltid i skulen
• Muslibarar høyrer ikkje heime i matpakka
• Matpakke: meir enn berre brødskiver
• Brodogkorn.no
• Frukt.no
• Godfisk.no
• Matprat.no
• Mattilsynet.no
• Melk.no