• Øygarden er eit klima- og miljøvennleg samfunn 
• Kommunen som organisasjon skal vera klimaansvarleg og miljøbevisst
• Øygarden skal vera eit berekraftig lågutsleppssamfunn og staden for gode naturopplevingar

Dette er ikkje mål kommunen kan nå åleine, heile samfunnet må dra i same retning.

Tema for planen

Oppstartssak med tematisk avgrensing og framdriftsplan vart behandla i plan- og miljøutvalet i mars 2025. Her vart følgjande tema inkludert i planen: 

• Klimarekneskap for Øygardssamfunnet og den kommunale verksemda
• Klimaendringar og klimatilpassing 
• Energiomstilling 
• Klima- og miljøkrav ved offentlege anskaffingar 
• Sirkulær økonomi  

Arbeidet med å etablera kunnskap om dei ulike temaa har pågått gjennom 2025, og har blitt presentert fortløpande på heimesida til kommunen under fana Kunnskapsgrunnlag. På bakgrunn av kunnskapsgrunnlaget har vi utarbeida framlegg til mål og strategiar for dei ulike temaa. Framlegg til Strategiplan for klima og energi 2026-2030 vert lagt ut til høyring og offentleg ettersyn hausten 2026.