Oppheving av reguleringsplanar

Når vi no lagar den nye arealdelen til kommuneplanen, må vi samstundes vurdera om alle reguleringsplanane vi har i kommunen samsvarar med utvikinga vi ønskjer oss. Vi skal også vurdera om desse reguleringsplanane er i tråd med dagens kunnskap, politikk og lovverk, om vi skal ta dei med oss vidare eller om dei er aktuelle for oppheving. Dette vert ofte omtala som «planvask».

Fram mot sommaren 2026 vil kommunen varsle grunneigarar av eigedom i område med reguleringsplanar som er aktuelle for oppheving. 

Innsyn i vurdering av reguleringsplan 

Det er utarbeidd ei kartløysing der du kan lesa grunngjevinga for kvifor kommunen vurderer å oppheva reguleringsplanar. Det er berre dei planane det er sendt ut varsel om som vil vere synleg i kartløysinga. Den vil fortløpande bli oppdatert med nye planar som det vert sendt ut varsel om. Dersom du ikkje har fått varsel er du ikkje påverka av dette arbeidet. 

Når du klikkar deg vidare til kartløysinga, vil du nedst i kartet finne eit søkefelt, der du kan skrive inn plannamnet for den reguleringsplanen som du har blitt varsla om. Då vil du kunne klikke på planen og få opp informasjon om vurdering, konklusjon og kor i prosessen vi er med opphevinga.  

Vidare vil du finne lenke vidare til plandokumenta til reguleringsplanen. I tillegg er det ei lenke til kommunen si kartløysing, der du vil kunna sjå reguleringsplanen i kartet.  

Her får du tilgang til kartløysing for vurdering av reguleringsplanane som er varsla mogleg oppheving av.

Oversikt over fasar i arbeidet med planvasken