Planprogrammet er ei oppskrift på korleis vi skal arbeida med arealdelen og involvera Øygardssamfunnet i prosessen. Det inneheld også strategiar om kva verdiar vi skal bevara og korleis vi skal utvikla Øygarden.

Det er planprogrammet vi ber om innspel i denne høyringsperioden.

Gi innspel her

Kvifor vurderer vi ikkje arealinnspel om konkrete eigedommar no?  

Innspel om til dømes endra arealbruk til bustadtomter, naust, næringsbygg og liknande vert det opna opp for våren 2026. Årsaka til at vi ventar med arealinnspel er fordi vi først skal utarbeida strategiar for kva for viktige verdiar i Øygarden vi skal ta vare på for framtida, og korleis vi skal bruka areala i kommunen til å nå måla for samfunnsutvikling. Innspela vi har bedt om fram til no er ein viktig del av kunnskapsgrunnlaget for å utarbeida strategiane. Du kan lesa meir om kunnskapen vi hentar inn og arbeider med her.  

Når vi våren 2026 opnar opp for arealinnspel, ønskjer vi at de legg desse inn i ein eigen kartportal, slik at vi får samanstilt alle slike innspel digitalt. Dei som allereie har sendt inn arealinnspel skriftleg vil få ei oppmoding om å registrera desse på nytt våren 2026.  

Blir det innspelsmøte i bygda mi?

Våren 2024 besøkte vi dei 7 lokalsentra Tjeldstø, Toftøy, Knarrvika, Fjell. Ulveset/Møvika, Stranda og Spildepollen. Hausten 2024 besøkte vi kommunedelsentra Rong, Ågotnes og Skogsskiftet. Hausten 2024 opna vi også for skriftlege innspel frå alle bygdene. Her kan du lesa oppsummerande rapportar frå møta og innspela vi fekk inn. 

Denne hausten (2025) inviterer vi til ope medverknadsmøte i samband med høyringa av planprogrammet. Innbyggarar og alle andre som er opptekne av kva som skjer i arbeidet med arealdelen til kommuneplanen er velkomne til innbyggartorget på Straume, kl. 18.00. Her kan du treffa politikarar frå kommuneplanutvalet og den administrative prosjektgruppa.

Treng du hjelp?  

Kom innom ditt næraste innbyggartorg - vi hjelper deg gjerne!
Du kan også senda ein e-post til planpost@oygarden.kommune.no