Veteranar, veterankontakt og veteranplan

Øygarden kommune verdset, tek i vare og følgjer opp veteranane, både under og etter internasjonal teneste for Noreg. Planen skal sikre god samhandling internt i kommunen og medverke til at veteranar og familiar blir møtt med forståing og rett kompetanse.

Kommunen er open for å sjå på veteranane som ein ressurs, og nytte den kompetansen som veteranar har, der det er naturleg. - Kommunen skal gjere det enkelt for veteranar og andre å finne informasjon om tenestetilbod i regi av kommunen og aktuelle organisasjonar for veteranar og deira familie.

Øygarden si veteranplan vart vedteken av kommunestyret i mai 2022. Her kan du lese planen: 

Veteranplan 2022 (PDF, 3 MB)

Veterankontakt

Dersom du har spørsmål om kommunen sitt tilbod til veteranar og deira familiar, kan du ta kontakt med innbyggartorg og bibliotek i Øygarden kommune.

Du kan ringja oss på telefon 56 16 00 00 eller møta opp på innbyggartorg og bibliotek på Sartor Storsenter, Sund Senter eller Rong Senter.

Om vi ikkje kan hjelpa deg "på direkten", set vi deg i kontakt med rett person i kommunen. 

Sist endra 05.03.2024 15.22