Alle dokumenta, samt vedlegg til VA-norm, ligg på heimesidene til ØyVAR as

Kommunalteknisk vatn- og avløpsnorm (VA-norm)

Norma gjeld VA-anlegg som vert bygga av kommunen eller private utbyggjarar, og som skal overtakast til drift og vedlikehald av Øygarden kommune / ØyVAR as. 

VA-norma sett krav til funksjon, dokumentasjon, generelle føresegn og krav til transportsystem for vassforsyning, spillvatn/avløps og overvatn. Den legg føringar for utarbeiding av VAO-rammeplan ved planlegging og gjennomføring av tiltak.

Overvassnorm og Sjekkliste for VAO-rammeplan

Overvassnorm og Sjekkliste for VAO-rammeplan er vedlegg til VA-norma. Overvassnorm for Øygarden kommune skal sikre heilskaplege og effektive overvassløysingar som bidrar til å forbetre vasskvalitet, i tillegg til å avgrense erosjon og skader på infrastruktur. Norma er utforma for å integrere overvasshandtering som sentralt moment i både arealplanlegging og utbygging, og er retta mot både kommunal mynde, utbyggjarar og rådgjevande ingeniørar.

Overvassnorma etablerer konkrete retningsliner og krav til dimensjonering ved utarbeiding av mellom anna VAO-rammeplan Sjekkliste for VAO-rammeplan skal vere eit verktøy for planlegging og utføring av VAO-anlegg. Øygarden kommune sine langsiktige mål og strategiar når det gjeld handtering av overvatn, går fram av Kommunedelplan for vatn, avløp og overvatn (KDP VAO).

Standard abonnementsvilkår for vann og avløp

Standard abonnementsvilkår for vann og avløp er utgitt av Kommuneforlaget AS på vegne av KS. Abonnementsvilkåra skal ivareta det gjensidige ansvarsforholdet mellom kommunen og den enkelte abonnent i samband med tilknyting til offentleg vatn- og avløpsanlegg. Vidare skal abonnementsvilkåra sikre at utføring av sanitærinstallasjonar og private vass- og avløpsanlegg vert utført på ein kvalitativ god måte. Abonnementsvilkåra består av administrative føresegn som omfattar juridiske og forvaltningsmessige forhold, og tekniske føresegn som fastsett krav til teknisk utføring.