Søkjar må bruka elektroniske skjema. Søkjar må overhalda søknadsfristane til dei einskilde ordningane. 

Vilkår for tilskot

Tildelte midlar skal nyttast i tråd med søknaden. Alle lag og organisasjonar som mottek tilskot frå Øygarden kommune, må godkjenna ledsagerbevis på sine arrangement.

1. Føremål

Øygarden kommune gjev stønad til eksisterande og nye tiltak innanfor felta kultur, idrett og friluftsliv. Dei kommunale tilskotsordningane er eit verkemiddel for å auka innsatsen i det frivillige lagsarbeidet, stimulera til eit mangfald i aktivitetstilboda og til å byggja opp under god folkehelse.

Spesielt prioritert er aktivitetar og tiltak for born og ungdom, nye tiltak og tiltak som rettar seg mot grupper som ofte fell utanfor organiserte aktivitetar.

2. Kven kan få tilskot?

Alle som søkjar tilskot frå Øygarden kommune, må ha eige organisasjonsnummer og stå i frivilligregisteret. Dette gjeld ikkje stipendordningane eller i dei tilfella der privatpersonar søkjer på kulturvernmidlar og ungdomsmidlar.

Kommunale tilskot til kultur-, idretts- og friluftsarbeid kan gjevast til frivillige lag og organisasjonar, som har si verksemd i Øygarden kommune. Kommersielle tiltak, organisasjonar som har til oppgåve å ta seg av yrkes- og/eller økonomiske interesser til medlemene og politiske lag og organisasjonar, fell utanfor dei kommunale tilskotsordningane.

3. Kva skal søknaden innhalda?

Søkjar må gje dei opplysningane som det blir bede om. 

4. Søknadsprosedyre

Alle må søkja via elektronisk søknadsskjema på nettsida til kommunen. Vedlegg må lastast opp der ein krev dette, før ein sender inn søknad. Alle pliktar å gjera seg kjent med krava som må vera oppfylt for at søknaden skal bli godkjent. Søknadar som kjem inn etter fristen, vert ikkje behandla.

5. Rapportering og misleghald

Tildelte midlar skal brukast i tråd med søknaden. For fleire av ordningane er det krav til enkel rapportering.

6. Klage på vedtak

Vedtaket kan klagast til kommunen. Klagen skal sendast skriftleg til den som har gjort vedtaket. Klagefristen er tre veker rekna frå den dagen vedtaket kom fram til adressat. Klagen må vera grunngjeven.