Turskildring

Nordsjøløypa startar i Karidalen ved bommen på nordaustsida av Stegavikvatnet på garden Vik. Der hovudvegen ligg i dag er det funne tre  steinalderlokalitetar på rekke og rad. I alder spenner dei over fleire tusen år. Havflata har tidlegare stått høgare enn i dag. Dei eldste lokalitetane kan vera 12000 år gamle og ligg høgast oppe.

Stien går langs ei grasslette. Sørvest for Søgardsvatnet er det ei grind i bøgarden, og du er inne i stølsområdet ved nordvestsida av Stegaviksvatnet. Her ligg restar etter skjeneflorar, der nokre av dei er restaurerte. Lenger framme deler stien seg i to. Den til høgre fører  deg til Vikåsen (56 m.o.h.) Steingarden i nord er grenseline mellom gardane Vik og Toft. Løypa kjem mot sjøen i vika inst i Kyllaren. Herifrå er Nordsjøløypa merka både nordover mot Toft og rundløype via Jurafethaugen attende til Vik.

Om du ved stidelet heller følgjer stien til venstre, går du gjennom grindopninga i steingarden. Dette er det gamle grenseskiljet mellom det gamle stølsområde for storfe og det gamle utmarksområdet for sau. I eit skogholt kjem du til enda ein restaurert skjeneflor. Den ligg like ved Pardalsmyra. Løypa går vestover gjennom lyngheia, så litt på bilveg. Litt etter Balsvågen er løypa oppom Jurafethaugen. Løypa gåe inst i i Kyllaren der ho kryssar løypene i retning Vik og Toft. Kyllaren er ein god makrellvåg. Her har det vore mange notkast gjennom tidene. Berga ved Kyllaren vart i åra etter 1900 mykje brukt til tørking av fisk. Store skuter frakta fisken frå Lofoten og behandla lokalt. Med stor varsemd kan du gå ut mot det øydelagde bølgjekraftverket, som er eit nyare tids kulturminne. Her kan du oppleva enorme naturkrefter. På brua kan du følgja opparbeidd veg austetter til bygda Toft.

Langs stiane kan du stoppa ved små tavler som fomidlar historia om eit kulturminne der du står og andre tavler som skildrar fugleliv og flora i området.

Lengd Anekletten tursti Torsteinsvik – Toft ca 3 km
Nordsjøløypa startar nord på Toftøy, på austsida av hovudvegen, like ved vegkrysset mot Torsteinsvik. Løypa går austover og på nordsida av Ardalsvatnet, der ho passerer steingarden som er utmarksskilje mellom gardane Vik og Torsteinsvik. Løypa går ein liten runde i Ardalsåsen før ho held fram søretter i retning Anekletten (60 m.o.h.). He ser du ut mot Hjeltefjorden. Frå Anekletten går ho søretter og forbi eit par torvmyrer og restar av nokre torvhus. Gjennom mange hundre år var torv den einaste energikjelda for folk her ute. Løypa går vidare aust for Midtvatnet og forbi hyttefeltet der ho kjem innpå opparbeidd vidare på nordsida av Norlavatnet og til hovudvegen på Toft.

På Ut.no finn du meir informasjon