Turskildring

Turen går i variert terreng med godt merka sti og klopper over våte parti. Det er funne spor etter steinalderen på fleire lokalitetar i dette området. Steinalderlokalitetane ligg på ulike høgder i terrenget, alt etter kva tidsepoke dei er frå. Det er gjort funn av flint, ulike typar kvartsitt, bergkrystall og grønstein.

Det er sett opp 4 kulturminnetavler langs løypa,- 2 tavler som skildrar eldre og yngre steinalder, ei tavle om fiskarbonden og ei om den rike kvalfangsthistoria i vågen.

Deler av stien går langs Kvalvågen. Frå mellomalderen av vart det fanga kval i vågen ved å stengje den inne med not. Kvalen vart deretter skoten med giftpilar. Denne metoden vart nytta heilt opp til 1800-talet. Det er ein ganske unik kvalfangarmetode som er lite kjend andre stader i verda. Du kan sjå kvalbua som er fint restaurert. Det er laga ei mobil bru over til Stekholmen.

På Ut.no finn du meir  informasjon

Film

Fotogalleri