Det skal alltid vera ein ansvarshavande entreprenør (eventuelt offentleg teknisk etat) for graving i offentleg veg.

Den som skal vera ansvarshavande entreprenør for eit anlegg i eller ved offentleg veg, skal ha fullt kjennskap til desse reglane. Ved si underskrift har ansvarleg entreprenør forplikta seg til å følgja dei retningslinjene som er påkrevde.

• Ansvarleg entreprenør har eit særleg ansvar for at det er gjort tilstrekkelege undersøkingar om det fins andre anlegg i vegen på staden det skal gravast i.
• Entreprenøren må ha fullt oversyn over dette, sjølv om annan person har gjort dette tidlegare.
• Avkryssing på søknadskjema gjeld som forpliktande erklæring om at det er gjort tilstrekkelege undersøkingar. Manglande avkryssing kan føra til avvist søknad.
• Ansvarleg entreprenør skal gje nødvendig orientering om reglane til oppdragsgjevar.
• Eigenkontroll skal utførast, og skjema framvisast på ferdigsynfaring. Garantida gjeld eitt år frå ferdigsynfaring er utført. Entreprenør er ansvarleg for ferdigstilling.

Søknad om graveløyve skal alltid signerast av eigar av anlegget.

Ved si underskrift skal eigaren (oppdragsgjevaren):

• Påta seg ansvaret for det ferdige anlegget for hendingar og skadar som anlegget har påført veg eller tredjemann.
• Garantera for at entreprenøren sine pliktar etter reglane vert oppfylte.
• Vedkjenna til ei kvar tid gjeldande offentlege vilkår for å ha anlegg på offentleg veg eller grunn.

Tilstand til veghaldar er gjeve mellombels. Leidnings- og kabeleigar er forplikta til, for eiga rekning, å gjera dei naudsynte endringane med leidning og/eller kabelanlegget – eventuelt fjerna det – dersom veghaldar seinare finn det naudsynt.

• Mogleg ulempe for leidnings- eller kabelanlegget ved veghaldar sitt vedlikehalds-, reparasjons- eller utbetringsarbeid er veghaldar uvedkommande.
• Veghalder har heller ikkje ansvar for skadar/ulemper på leidnings- eller kabelanlegg som følgje av trafikkbelastning på vegen.