Innleiing

Jf. «Lov om rettshøve mellom grannar» (nabolova), kan det søkjast om felling av tre på kommunen sin eigedom som står nær nabogrense.

Loven gjeld tre som står nærare grense enn 1/3 av trehøgda, og som det ikkje er «nemnande om å gjera for eigar», dvs. kommunen, å behalda. Øygarden kommune kan gje løyve til felling av tre i tråd med grunnlaget og regla nemnt nedanfor.

Det er kommunalsjefområde Samfunnsutvikling v. avdelinga for eigedom, drift og vedlikehald som avgjer og gjev løyve til kva som kan fellast.

Felling/rydding kan utførast slik:

• Søkjar engasjerer firma av tryggleiksgrunnar til felling av trea. Søkjar kappar, ryddar og får veden, jf. avtale.
• Søkjar fell trea sjølv, får veden og ryddar området, jf. avtale. Ved aksept av sjølvhogst ber vi tiltakshavar sjå informasjonen under Sjølvhogst.

Sjølvhogst

Ved innvilga søknad for sjølvhogst gjeld

Underteikna har på oppmoding fått løyve til å felle buskar/tre ihht. avtale.
Felling skal kun skje i perioden 1. oktober – 31. mars.

Felling skal skje i tidsrommet ____________________ og underteikna gjer dette for eigen rekning, risiko og med eige utstyr. Alt avfall skal fjernast i rimeleg tid (3-4 veker) for søkjar si rekning.  Alternativt kan kommunen iverksetta rydding for søkjar sin kostnad.

Som ansvarleg tiltakshavar er eg innforstått med at felling av tre og bruk av motorkjedesag er farleg, og at det er naudsynt med opplæring og nødvendig verneutstyr for å utføra felling på ein forsvarleg måte. Øygarden kommune føreset at personar med ein slik kompetanse gjer dette arbeidet for at løyvet skal vera gyldig.

Underteikna tek sjølv ansvar for dei eventuelle skader eg kan påføra meg sjølv, andre og eigedomen deira. Eg vil syta for tilstrekkeleg varsling og vakthald under fellingsarbeidet. Arbeidet ønskjer eg sjølv å utføra for eigen vinning og ikkje i oppdrag for Øygarden kommune. Dersom det finns bygningar, luftkablar eller andre installasjonar som ikkje er eigd av Øygarden kommune på staden, skal eg sjølv som ansvarleg utførar, sjølv kontakte eigar for løyve og rådgjeving før igangsetting.

Nabovarsling

For å unngå konfliktar mellom søkjar og andre sine interesser i nabolaget, treng vi underskrift frå naboane og gjenbuarar om at dei godkjenner tiltaket. Drift og vedlikehaldsavdelinga i kommunen ynskjer óg ei uttale frå velforeininga, dersom det aktuelle området har stor betydning som fellesareal. Drift og vedlikehaldsavdelinga i kommunen vil senda søknaden i retur, dersom naboar/gjenbuarar eller velforeininga ikkje er blitt spurt i saka.

Søknad

Søkjar må leggja ved:

• Kart i målestokk 1:1000, med grenser, og teikna inn treet/trea. Ein kan be om å få kartutsnitt på servicetorget eller i kartløysingane til kommunen.
• Underskrift frå naboar og gjenbuarar om at dei godkjenner tiltaket. 
• Kommunen ønskjer óg ei uttale frå velforeininga, dersom det aktuelle området har stor betydning som fellesareal.

Søkjar må merka treet/trea som ein ønskjer felt. NB! Ikkje med måling eller anna som kan gje sår på veksten.

Søknad om trefelling/rydding på kommunal eigedom

Vurdering av søknaden

Drift og vedlikehaldsavdelinga i kommunen vil vektleggja ei rekkje tilhøve i trefellingssaker, som:

• at skade eller særskilt ulempe for søkjaren er større enn verdien for eigar
• klimatiske tilhøve, spesielt økt vindeksponering og auka ringverknader av dette
• tresort, -alder/tilstand og omsynet til det biologiske mangfaldet på staden
• estetiske vurderingar i området i heilheit
• ulemper jf. sol/lys i høve til trea si plassering, høgde og tettleik
• om det er brei semje, evt. usemje blant grannane

Vi gjer merksam på at kommunen som hovudregel vil vurdera å politimelde sjølvtekt, eksempelvis for felling av tre utan løyve, eller om fleire tre enn tillate vert felte. Dersom det ikkje vert rydda som anvist, til avtalt tid, må søkjar dekka kostnadane som vedkjem kommunen sitt meirarbeid utan at dette vert varsla.

Kommunen dekkjer alle kostnader til trefellingsarbeid dersom tre -/ trea står på kommunal eigedom og utgjer ei påviseleg fare for dei som ferdast på staden eller rundt kommunale bygg. Friske tre, til dømes, vert ikkje rekna som eit faremoment i denne samanheng.