Faktura frå Øygarden kommune vert sendt elektronisk eller pr. post. Det er viktig at fakturamottakar opplyser om eventuell adresseendring til Øygarden kommmune.
Send e-post om adresseendring
Betalar du ikkje faktura ved forfall, vil forseinkingsrenter og gebyr kunna påløpa i tillegg til hovudkrav.
Vi rår til å betala via å kombinera eFaktura og AvtaleGiro til Øygarden kommune. Då vert rekningane betalt automatisk på forfallsdato, og rekninga vert sendt direkte til nettbanken din og lagra der.
Meiner du at kravet du har fått er urettmessig eller feil? Send oss ein e-post så raskt som mogleg der du forklarar dette til oss i ein e-post.
Send e-post ved feil i faktura
eFaktura
Med eFaktura får du rekningane rett inn i nettbanken, ferdig utfylt med KID-nummer og kontonummer. Du må ha nettbank, og du må godkjenna betalinga.
- Du får fakturaen rett i nettbanken din. All informasjon er ferdig utfylt, det einaste du treng og gjera er å godkjenna betalinga.
- Du får oversikt over både betalte og ubetalte rekningar i nettbanken. Fakturadetaljar kan hentast fram og eventuelt skrivast ut.
- Dersom du ynskjer det, kan du verta varsla via e-post kvar gong det kjem ein ny eFaktura i nettbanken.
- Du kan betala rekningar når du er på reise
- Du kan endra betatalingsdato og beløp
- Dersom du byter bank eller bruker fleire bankar, følgjer eFakturaen med utan at du treng å gjera noko
- Sei ja takk når du får spørsmål om du vil ta i bruk eFaktura etter å ha betalt ei rekning i nettbanken din.
- Logg inn i nettbanken, finn fram til eFaktura og opprett avtale med Øygarden kommune. Du treng eFaktura-referanse til kommunen for og gjera dette. «eFakturareferansen» er dei åtte første siffera av KID-nummeret som står på rekninga.
- En avtale om eFaktura gjer at du får alle rekningane frå Øygarden kommune som eFaktura.
Her finn du meir inormasjon om eFaktura
AvtaleGiro
Med AvtaleGiro vert rekninga betalt direkte frå kontoen din på forfallsdato. Du treng ikkje å ha nettbank for å nytta AvtaleGiro.
- Du slepp å tenkja på betalinga sjølv. Beløpet vert trekt automatisk på forfallsdato.
- Om du har nettbank, kan du sjå rekningane i forfallsregisteret. Du vert varsla minst sju dagar før forfall.
- Du får kvittering med forklarande tekst på kontoutskrift og i nettbanken.
- Du unngår purringar og gebyr ved for sein betaling, så sant det er pengar på konto på forfallsdagen.
- Du kan stoppe betalinga før ho forfell.
- Sei ja takk når du får tilbod om AvtaleGiro etter å ha betalt rekninga i nettbanken. Avtalegiroreferansen er heile KID-nummeret.
- Om du ikkje har nettbank, tar du rekninga med til banken for å inngå avtale om AvtaleGiro.
- Byter du bank, må du opprette ny AvtaleGiro med den nye banken din.
Publisert 27.08.2019 11.59
Sist endra 09.03.2020 11.00