Velferdsteknologi

Velferdsteknologi er ei felles nemning på tekniske installasjonar og løysingar som kan betra den enkelte si evne til å klara seg sjølv. Velferdsteknologi kan også fungera som teknologisk støtte til pårørande og elles bidra til å forbetra tilgjengelegheit, kvalitet på tenestetilbodet og at ressursane vert utnytta betre.

Tryggleiksalarm med røykvarslar

Sensorteknologi

Dørsensor

Dørsensor blir festa på ytterdører og gir alarm ved opning av døra innafor oppsett tidsrom. Du kan søkja om dette dersom det til dømes er fare for at du går ut om natta og ikkje finn tilbake til heimen.

Sengesensor

Sengesensor er ei matte som ligg i senga di og varslar om du står opp om natta og ikkje kjem tilbake i senga innafor eit angitt tidspunkt. Dette er eit hjelpemiddel for deg som ofte står opp om natta og samtidig har høg risiko for å falla.

Stolsensor

Stolsensor er ei matte som ligg i stol. Gir alarm dersom du reiser deg frå stolen og ikkje kjem tilbake innafor eit angitt tidspunkt. Stolsensor er eit hjelpemiddel dersom du har stor risiko for å falla.

Slik søkjer du

I søknadsskjema skriv du kva du søkjer.

Dersom ein annan person sender inn søknad på vegne av deg, må du gje ei fullmakt som må lastast opp som vedlegg til søknaden. Du kan bruke denne malen dersom du er usikker på kva ein fullmakt skal innehalde.

Digital søknad

Du loggar inn gjennom den nasjonale ID-porten. Logg inn og fyll ut digital søknad:

Søknadsskjema for helse, omsorg og velferdstenester

Søknadsskjema på papir

Papirskjema for helse, omsorg og velferdstenester (PDF, 354 kB)
Send ferdig utfylt og signert skjema til:
Øygarden kommune, Ternholmvegen 2, 5337 Rong

GPS/Lokaliseringsstøtte

Medisindispensar

Dette er ein dosett eller dispensar for multidoseposar som varslar når det er tid for å ta medisin.

Dersom medisinen ikkje blir tatt, går det eit varsel til helsepersonell eller pårørande.

Løysinga kan vera bra for deg som tar medisinar fleire gongar om dagen, kan gløyma å ta medisinen eller risikerer å ta dei til feil tid.