Denne artikkelen er under arbeid.
Kvednatunet er eit bu- og aktivitetssenter i Øygarden kommune, lokalisert på Ågotnes. Senteret er særleg retta mot eldre og personar med demens eller annan kognitiv svikt.
Om sjukeheimen
Den fungerer både som omsorgssenter og som dagsenter for heimebuande som treng sosialt fellesskap, aktivitetar og avlasting for pårørande. Her får brukarane tilbod om næringsrike måltid, sosiale aktivitetar og hjelp til å oppretthalda funksjonsnivået. Tilbodet er lovpålagt for personar med demensdiagnose, og kommunen legg til rette for transport dersom det er behov.
Kvednatunet har fleire avdelingar og funksjonar:
- Dagsenter for eldre: Tilbod til heimebuande som ikkje kan nytta seg av andre opne aktivitetstilbod.
- Dagaktivitet for personar med demens: Her får brukarane tilrettelagde aktivitetar og sosialt samvær.
- Dropp-inn-tilbod: Eit fleksibelt, timebasert avlastingstilbod for personar med demens eller kognitiv svikt. Dette krev ikkje søknad eller vedtak, men pårørande må reservera plass og ordna transport.
Søk om omsorgsbustad
Eldre, sjuke, funksjonshemma og andre som har behov for tilrettelagt bustad, kan søkja om å få leiga omsorgsbustad.
Her finn du meir informasjon om korleis du kan søkja omsorgsbustad og elektronisk søknadsskjema.
Informasjon til brukarar og pårørande
Alle bruker namneskilt, slik at du ser kven vi er; om det er hjelpepleiar, sjukepleiar, ergoterapeut, fysioterapeut, assistent eller lege. For det meste er det erfarne helsearbeidarar som møter deg. Innimellom har vi studentar, lærlingar og praksiskandidatar.
Korttidspasientar har legevisitt normalt ein gong i veka. Kan vera oftare ved behov.
Hovudmåltida er lagt i desse tidsromma:
- Frukost: 08.30
- Lunsj: 12.30
- Middag: 16.00
- Kveldsmat: 19.00
- Tilbod om ekstra kveldsmat før natt etter ønskje
På laurdag er det eigne tider. Det er graut kl. 13.30, «kaffimat» kl. 15.30 og varm kveldsmat kl. 18.30.
Har du spesielle behov, passar vi på at du får tilpassa kost.
Det er ønskjeleg at besøk finn stad mellom kl. 11.00 - 20.00 på pasientrom.
Ved spesielle behov legg vi til rette for besøk heile døgeret.
Fotpleiar kan bestillast ved behov.
- At du fortel oss kva som er viktig for deg, for at vi skal hjelpa deg på best mogeleg måte og gje god oppfølging.
- At du gjer oss beskjed når du går frå avdelinga.
- At besøk venter på pasientrom under måltida, slik at det blir ro på spisestova.
Det er ikkje lov å røykja inne eller på terrassar. Berre røyking på tilvist plass ute.
Fotogalleri
Månadsplanar
Her kjem månadsplanar for 2026.
Sist endra 16.02.2026 13.27