Målgruppe

Pasientar som treng tidsavgrensa opphald i institusjon for vidare behandling etter sjukehusopphald, eller oppretthalda/betra sitt funksjonsnivå eller helsetilstand

Kva kan du få hjelp til?

Korttidsopphald er eit tidsavgrensa opphald i institusjon som vert innvilga til innbyggjar for ein kortare periode. Tenesta er for personar som har behov for omfattande helse og omsorgstenester heile døgnet:

• For utskrivingsklare pasientar frå sjukehuset eller frå heimen med behov for tidsavgrensa opphald heile døgeret, med oppfølging etter funksjonssvikt eller kronisk sjukdom.
• Smerte- og symptomlindring for alvorleg sjuke med kort forventa levetid, og som treng smerte- og symptomlindring utover det ein vanleg sjukeheimsavdeling eller heimesjukepleie kan gi.
• Rehabilitering for å vinna tilbake funksjon etter sjukdomsforløp
• Augeblikkeleg hjelp/døgnopphald, tildelt av lege i samsvar med kriteria i avtale med Helse Bergen

Kriterium og vurdering

Korttidsopphald vert tildelt etter søknad frå deg eller pårørande/verge med fullmakt. For søkjar/pasient som ligg i spesialisthelsetenesta må det vera gitt samtykke av deg eller pårørande/verge med fullmakt. Det vert gjort ei helse- og omsorgsfagleg vurdering av behov på bakgrunn av søknad/helseopplysningar og funksjonskartlegging:

• Auka omfang av andre helse- og omsorgstenester skal vera forsøkt og vurdert som ikkje tilstrekkeleg.
• Du må bu eller opphalda deg i kommunen

Kva forventar vi av deg som mottek korttidsopphald?

• Du tek del i daglege behandlingsaktivitetar
• Du har sjølv ansvar for personlege eigendelar og kontantar
• Pårørande blir oppfordra om å følgje ved undersøking, behandling og timeavtalar utanfor institusjonen
• Pårørande vert oppfordra til å bidra med sosialt samvær og aktivitetar
• Det er ønskjeleg at pårørande, i den grad det er mogleg, vaskar personleg tøy

Praktiske opplysningar

Det vert gjennomført innkomstsamtale for å klargjera mål og innhald for opphaldet. Lengda på opphaldet vert vurdert kontinuerleg og etter i kva grad mål for opphaldet er nådd.

Ulike typar korttidsopphald

Slik søkjer du

I søknadsskjemaet skriv du kva du treng bistand og hjelp til. Dersom ein annan person sender inn søknad på vegne av deg, må du gje fullmakt.  Vi ber om at det vert lagt ved oppdaterte legeopplysningar.

Dersom ein annan person sender inn søknad på vegne av deg, må du gje ei fullmakt som må lastast opp som vedlegg til søknaden. Du kan bruke denne malen dersom du er usikker på kva ein fullmakt skal innehalde.

Digitalt søknadsskjema for helse, omsorg og velferdstenester

Papirskjema for helse, omsorg og velferdstenester (PDF, 354 kB)
Send ferdig utfylt og signert skjema til:
Øygarden kommune, Ternholmvegen 2, 5337 Rong

Prisar

Det er eigenbetaling for tenesta, men opphald gitt som augeblikkeleg hjelp medfører ikkje eigenbetaling.

* Satsar er regulert i "Forskrift om eigendel for kommunale helse- og omsorgstenester" §4. Nye satsar frå 1. januar 2020.

Sjukeheimar med korttidsopphald

Lovgrunnlag

• Pasient- og brukarrettslova, §2-1 andre ledd, § 2-1e
• Helse- og omsorgstenestelova, §1-1, §3-1, §3-2 nr 6 bokstav c

Du kan klaga på vedtaket

• Pasient og brukarrettslova, § 7-2