Vanar for livet - Eit familiebasert livsstilskurs

Eit familiebasert livsstilskurs for familiar som har barn i alder 8-12 år (+/-) med utfordringar innan kosthald- og levevanar, overvekt eller fedme. Familien må ønskje, og sjå behov for å gjere endringar i kosthald og fysisk aktivitet. Kurset består av samtalegrupper, praktiske øvingar, fysisk aktivitet og bevegelseglede og heimeoppgåver. Kurset vert halden ein gong årleg.

Målgruppe

Kurset er for familiar som har barn i alder 8–12 år (+/-) med utfordringar innan kosthald- og levevanar, overvekt eller fedme.

Kurset er for familiar som vil:

ta gode val i kvardagen – for heile familien
bli meir medvitne på eigne val
jobba med grensesetting
finna gode alternativ til kos og påskjønning

Innhald

Tema for samlingane er:

Kom i gang - Korleis koma i gong med endring
Klare mål - Korleis oppnå gode vanar
Ta kontroll - Om å setja grenser og ta ansvar for gode val og vanar
Behovet bak følelsen - Om regulering av følelsar
Kva viss... - Gode grunnar til å ta gode val
Å vera til stades - Korleis eta for god helse
Full fart - Om kvardagsaktivitet og ein kropp i bevegelse
Smart mat for god helse - Om kva kroppen treng for å vekse og fungere som den skal
Tankens kraft - Korleis tankane påverkar handlingane våre
Hald ut! - Om vegen vidare – på eiga hand

Vi jobbar med desse temaa på ulike måtar, både gjennom samtale og refleksjon, praktiske øvingar og fysisk aktivitet, rørsleglede og heimeoppgåver.

Første samling er for foreldre, resten av samlingane er for både foreldre og barn. Nokre dagar er vi samla, og nokre dagar vil foreldre og barn bli delt i grupper kvar for seg.

Omfang/kursdatoar

Kurset har 8 samlingar på to timar. Det vil bli tilbod om oppfølgingssamling i etterkant av kurset.

Pris

Kurset kostar totalt kr. 600,- per familie som inkluderer kveldsmat og kursmateriell.

Påmelding

Ta kontakt med skulehelsetenesta (helsesjukepleiar/skulelege) for spørsmål og påmelding. Du kan òg kontakte Friskliv og meistring på e-post: Frisklivogmeistring@oygarden.kommune.no eller telefon 55 09 68 50.