Smart mat - For deg som vil ta gode matval

I dagens samfunn blir vi overausa av gode kosthaldsråd. Det er lett å bli forvirra og kan vere vanskeleg å vite kven ein skal høyre på. Med kurset Smart mat vil vi bidra til mindre forvirring i jungelen av gode råd. Kurset tar utgangspunkt i Helsedirektoratet sine kostråd. Målet er å motivere til auka merksemd om matvareval og matvanar.  

Ill. Middagstallerken med kylling, grønnsaker og pasta - Klikk for stort bilete

Målgruppe

Kurset er for deg som ønskjer:

  • Å få oppdatert kunnskap og inspirasjon til å ta gode matval.
  • Å lære om små grep du kan ta som har stor effekt på helsa
  • Å bli trygga i matval du tar 

Innhald

Aktuelle tema i kurset er:

  • Eit godt kosthald for god helse og gode liv
  • smart mat: gode matval og matvanar
  • Hjelpemiddel for å ta gode val
  • Korleis ta gode val i butikken og bli tryggare i kva du skal sjå etter
  • Praktiske eksempler og demonstrasjonar

Omfang/kursdatoar

Kurset har éin samling på tre timar. 
Sjå informasjon om neste kurs i kurskalenderen. Ta kontakt med oss om du ikkje finn informasjon om neste planlagde kurs. Det kan vere mogleg å setje seg på liste for neste kurs sjølv om kursdato ikkje er annonsert.

Pris

Kurset kostar kr 100,- og inkluderer kursmateriell og enkel servering. 

Påmelding

Du kan melde deg på direkte til Friskliv og meistring på e-post Frisklivogmeistring@oygarden.kommune.no eller på telefon 55 09 68 50. 

Ikkje oppgi sensitiv informasjon på e-post. 

Arrangør

Friskliv og meistring.

Kurskalender

Kurs- og aktivitetskalender

Publisert 24.02.2026 10.51