Gruppene passar for deg som lever med sjukdom, er i ein vanskeleg livssituasjon, eller har deltatt på kurs og ynskjer vidare støtte til å jobbe med endringane ein vil oppnå.
Du treng ikkje ei diagnose eller tilvising for å delta, men bør vere open for å dele eigne erfaringar med andre. Ofte finn den enkelte gradvis kva som skal til for å få det betre, og finn støtte i perspektiva til andre deltakarar.
Målgruppe
Gruppene er for deg som:
- Ønskjer vidare støtte etter å ha deltatt på eit kurs
- Deg som opplever at det er tungt å stå aleine i krevjande prosessar.
- Når du ønskjer å delta i eit fellesskap med andre og lære av kva dei gjer i sin situasjon
- Få og gi støtte
- Få nye perspektiv, og bli betre på å sette rammer for eige liv.
Innhald
Ei sjølvhjelpsgruppe består av 5 til 8 deltakarar og varer ofte i 2 timar. I starten vil ein erfaren igangsetjar delta for å hjelpe gruppa med å forstå rammer og prinsipp for ei vellukka gruppe. og bidra med si erfaring. Etter ei tid tar gruppa sjølv over i fellesskap.
Vi ønskjer å legge til rette for grupper lokalt i Øygarden. Om du av ulike årsaker ønskjer å delta i ei gruppe i ei av nabokommunane er det mogleg.
Du kan lese meir om sjølvhjelpsgrupper her:
Omfang
Ei sjølvhjelpsgruppe er ikkje eit tidsavgrensa tilbod, og består så lenge deltakarane sjølv ønskjer det. Kor ofte ein treffast er også noko ein blir einige om i kvar gruppe, men mest vanleg vil vera ei gong i veka eller annankvar veke.
Pris
Deltaking i Sjølvhjelpsgrupper er gratis.
Påmelding
For spørsmål og påmelding kontakt Link Bergen på telefon 91 90 90 51 eller send e-post til info@linkbergen.no.
Eller kontakt Friskliv og Meistring på telefon 55 09 68 50 eller send e-post til Frisklivogmeistring@oygarden.kommune.no
Arrangør
Selvhjelp Norge/Link Bergen