Familiehjelpa er eit lågterskel, førebyggjande tilbod for barn, unge og familiar i Øygarden kommune. Vi tilbyr tidleg hjelp med mål om å styrke psykisk og sosial helse, i tett samarbeid med deg og dei rundt deg.
Om Familiehjelpa
Familiehjelpa er eit heilskapleg tilbod for barn, unge og familiar. Vi jobbar tverrfagleg og familiebasert med barnet sitt behov i sentrum. Tilsette med ulik fagbakgrunn samarbeider tett med både kommunale og eksterne tenester. Ved behov losar vi vidare og etablerer kontakt med rett instans før vi avsluttar.
Familiehjelpa består av tre tenester:
- Barne- og ungdomstenesta
Tilbyr samtalar, rettleiing og oppfølging til barn, unge og familiar. Fokus på støtte i foreldrerolla, samhandling med skule/barnehage og tilrettelegging for ungdom i overgangar til utdanning og arbeid. - Landsbytenesta
Følgjer opp barn med vedtak frå barnevernet etter Landsbymodellen – eit samarbeid med viktige relasjonar i barnet sitt liv for å skape tryggleik og utvikling. - Kommunepsykologtenesta for barn og unge
Tilbyr kortvarig behandling etter tilvising, samt lågterskeltilbod og foreldrekurs. Arbeider med førebygging og tidleg intervensjon for aldersgruppa 0–24 år.
Målgruppe
Tilbodet er for barn, unge og familiar som treng støtte i kvardagen. Du kan ta kontakt utan tilvising.
Slik søkjer du
Du treng ikkje tilvising. Ta kontakt direkte med Familiehjelpa:
- Telefon: 56 16 15 50
- Telefontid: Måndag kl. 09.00 – 11.30 | Torsdag kl. 12.00 -14.30
Du kan også få hjelp til å ta kontakt gjennom skulen eller barnehagen, gjerne som ein del av BTI-samarbeidet (Betre Tverrfagleg Innsats).
Merk: Tilvising til behandling hos kommunepsykologtenesta skjer via helsestasjon, skulehelsetenesta eller fastlege.
Kontaktpersonar
Sist endra 27.05.2025 13.44